Отбасы банк жеңілдетілген ипотека дайындап жатыр
«Отбасы банкі» даму әлеуеті төмен моноқалалар тұрғындары үшін жеңілдетілген ипотекалық бағдарлама әзірлеп жатыр, деп хабарлады «Бәйтерек» холдингінің басқарма төрағасы Айдар Арифханов.Бастапқы төлем 10 пайызды құрайды, ал пайыздық мөлшерлеме 5 пайыздан аспайды. Жеңілдікті ипотека 20 жылға дейін беріледі.
«Бағдарламаның негізгі параметрлерін мемлекеттік органдармен келісіп жатырмыз. Бұл мақсаттарға алдын ала есептеулер бойынша 2022-2025 жылдары жыл сайын шамамен 11 млрд теңге қажет. Біз 2022 жылдың бірінші тоқсанында іске қосуды жоспарлап отырмыз» деді Арифханов.
Ол 2021 жылы қазақстандықтар жалпы сомасы 1,235 трлн теңге болатын 82,2 мың жеңілдетілген несие алғанын қосты. Үлестік құрылыс үшін мемлекет жалпы көлемі 2 млн шаршы метр тұрғын үйді құрайтын, 372 млрд теңгені құрайтын, 70 жобаны жүзеге асыруға кепілдік береді.
