Lion Air әуе компаниясына тиесілі Boeing 737 жолаушылар ұшағы Джакарта әуежайынан ұшып кеткен соң апатқа ұшыраған деп хабарлайды Риа Новости сайтына сілтеме жасаған NUR.KZ.

  Straits Times газетінің хабарлауынша, ұшақ аспанға көтерілгеннен кейін 10 минутта радардан жоғалып кеткен.

Джакартадан Индонезияның Панкалпинанг қаласына ұшқан Boeing 737 ұшағы жергілікті уақыт бойынша 6.20- да ұшып, сағат 6.33-те жоғалып кетті.

  Ұшақтардың ұшуын қадағалап отыратын Flightradar ресурсының деректері бойынша, лайнер Ява теңізінің үстінде жоғалып кеткен.

Алдын ала дерек бойынша, жоғалып кеткен Lion Air әуекомпаниясының ұшағы Индонезиядағы Ява аралының батыс жағалауы маңына құлаған.