Жапониялық иммиграция агенттігінің мәліметі бойынша бұл стандартты туристік визалардан (90 күн) гөрі Жапонияда ұзағырақ тұрақтағысы келетіндерге арналады. Соның арқасында шетелдіктерге осы елде алты ай бойы болып, Жапонияның кез келген жерінде жұмыс істеу мүмкіндігіне ие болады. Бұл ретте тек жапониялық компанияда жұмыс істеу деген пункт қарастырылмаған.

Жаңа визалар Жапониямен салық және туристік келісімдер жасасқан 49 елдің цифрлық көшпенділері үшін қолжетімді болады. Виза алу үшін жыл сайын 10 миллион иеннен жоғары (32 миллион теңгеден аса) табыс болуы қажет. Сондай-ақ жеке медициналық сақтандыру болуы міндетті. Бағдарлама наурыз айының соңына дейін күшіне енеді деп жоспарланған.

Бұдан бөлек саяхатшылардың жұбайлары мен балалары Жапонияда онымен бірге бола алады. Уақытша резиденттерге Жапонияда тұруға ықтиярхат немесе мемлекеттік жеңілдіктерге құқық беретін сертификат берілмейді.

Цифрлық көшпенділерге арналған визалар ұзартылмайды. Мерзімі аяқталғаннан кейін кемі алты ай ішінде елден кету қажет. Осыдан кейін ғана, Жапонияға қайта оралғыңыз келсе, қайта өтініш беруге болады.

Nomadlist.com деректері бойынша қазір бүкіл әлемде 35 миллионға жуық цифрлық көшпенді бар. Олардың көпшілігі - Солтүстік Америка мен Еуропадан келген.