Ауғанстандағы жер сілкінісі құрбандарының саны 2 мыңнан асты
Ауғанстанның солтүстік-батысындағы Герат провинциясындағы жер сілкінісі кезінде 2053-тен астам адам қаза тауып, тағы 9240 адам жарақат алды, деп жазады inbusiness.kzБұл туралы "Талибан" қозғалысының Уақытша Үкіметі жанындағы Апаттар министрлігінің өкілі Мулла Жанан Саик хабарлады.
Оның айтуынша, ең көп зардап шеккен аудандарға Зиндека ауданының 13 ауылы жатады. Ол жер сілкінісі салдарынан 1320 үй қирағанын хабарлады.
АҚШ Геологиялық қызметінің (USGS) мәліметтері бойынша, Гератта жер сілкінісі 7 қазанда жергілікті уақыт бойынша сағат 11:00 шамасында 8 минуттық интервалмен болған. Жер асты дүмпулерінің магнитудасы 4,6-дан 6,3 баллға дейін болды.
