Швеция үкіметі барлық шектеуді алып тастайтынын жариялады және елдің денсаулық сақтау жүйесіне қысым жоғары болғанына қарамастан, COVID-19 сынамасының көпшілігін тоқтатты.

"Бұл пандемияны білетіндіктен, аяқталды деп айтар едім. Ол аяқталған жоқ, бірақ болып жатқан шұғыл өзгерістер мен шектеулер тұрғысынан қарасақ, аяқталды", - деді денсаулық сақтау министрі Лена Халленгрен.

Министрдің айтуынша, COVID-19 бұдан былай қоғам үшін қауіпті ауру болып саналмайды. Швеция үкіметі бұл шешімді вакцинаның жоғары деңгейімен және ауыр халдегі адамдарды ауруханаға жатқызу деңгейі төмендеуіне байланысты түсіндірді.

Келесі аптадан бастап барлар мен мейрамханалардың кешкі сағат 11-ден кейін ашық болуына рұқсат етіледі, қонақтар саны шектелмейді. Сондай-ақ, жабық мекемелерге баруға, вакциналарды пайдалануға шектеулер алып тасталды.

Умео университетінің вирусология профессоры Фредрик Элг COVID-19 бойынша барлық шектеуді алып тастауға қарсы болды. Ол швед ауруханалары әлі де ауыртпалықты сезінетінін айтты. COVID-ке шалдыққан 2 200-ге жуық адам стационарлық емдеуді қажет етеді, бұл 2021 жылдың көктеміндегі үшінші толқынмен бірдей.

"Сәл шыдамды болуымыз керек, кем дегенде тағы екі апта күтуіміз керек. Тестілеуді жалғастыруға қаражатымыз жетеді. Бұл ауру әлі күнге дейін қоғамға үлкен қиындық тудырып отыр", - деді ол.

Алайда Швецияның Денсаулық сақтау агенттігі тестілеу түскен пайдаға қарағанда тым қымбат екенін айтты. Швеция жылдың алғашқы бес аптасында тестілеуге 55 миллион швед кронасын (55 миллион доллар) және пандемия басталғалы бері шамамен 24 миллиард крон жұмсаған.

1 күн бұрын Швецияда 114 адам қайтыс болды. Барлығы 16 182 адам COVID-19-дан қайтыс болды. Жан басына шаққандағы өлім саны Скандинавияға қарағанда едәуір жоғары, бірақ көптеген Еуропа елдеріне қарағанда төмен.