Вуду қуыршағы бастығына ренжіген қарапайым қызметкерлердің күйзеліске ұшырауын азайтады. Бұл тұжырымға канадалық мамандар келді. Психолог Ольга Латынцева да әріптестерінің бұл әдісін жоғары бағалайды. Бұл туралы КТК арнасы хабарлады.

Психологтардың айтуынша, қуыршақты ұрып-соғу күйзелістен арылтып, күні бойы көңілді жүруге көмектестеді. Бұл әдістің ешқандай сиқырлық қасиеті жоқ және оған басшылықтың да еш қатысы болмайды.

«Адамдар жануарлар сияқты. Біреу ренжітсе біз тістеп аламыз немесе қашып кетеміз. Бірақ сен бастықтың кабинетінде оның біреуін де істемейсің, қашып та кете алмайсың, тістеп ала алмайсың. Сондықтан ішке реніш пен кек жиналып қалады. Міне, сол кезде вуду қуыршағы көмекке келеді», – дейді Ольга Латынцева.

Психолог күйзелістен арылу жолдарын айтты.

«Күйзелістен арылудың көптеген қауіпсіз әдістері бар. Мысалы, «ашу-ыза хатын» жазуға болады. Хатты бүктеп тастауға, қағазды жыртып, дәптерді бүлдіруге болады. Егер спорт зал немес, бос кеңістік болса, сол жерде бос пластикалық бөтелкелерді ұрып күйзелістен арылуға болады», – деді ол.