Әзербайжан 1 қыркүйекке дейін карантин режимін ұзартты
Бұған дейін шектеу мерзімі 1 тамызға дейін белгіленген болатын. Әзербайжан билігі елдегі карантин режимін 1 қыркүйекке дейін ұзартты, деп хабарлайды Inbusiness.kz жергілікті басылымдарға сілтеме жасап.Бұл қаулыға ел премьер-министрі Әли Асадов қол қойды. «Ел аумағында коронавирустық инфекцияның таралуын және салдарын тежеу мақсатымен Әзербайжан Республикасындағы карантиндік режим мерзімін 2021 жылғы 1 қыркүйекке дейін созу туралы шешім қабылданлы», – деп жазылған үкімет сайтында жарияланған құжатта. Бұған дейін шектеу мерзімі 1 тамызға дейін белгіленген болатын. Соңғы мәлімет бойынша, бұл елде коронавирус инфекциясын жұқтырғандардың саны 339 мыңнан асып, оның 5 мыңға жуығы дерттен қаза тапқан.
