Енді тамақтану орындары тек коронавирусқа қарсы вакцинаны салдырған, соңғы 6 ай ішінде індеттен сауығып шыққан немесе ПТР-тестінің теріс нәтижесі көрсетілген анықтамалары бар адамдарды ғана қабылдайды.

«Кәсіпкерлер I.moscow порталында COVID-free форматында жұмыс істеуге ниет білдіруде. Бұдан кейін олар тек QR кодтар арқылы келушілердің нысандарға кіруін ұйымдастырады. QR кодтар олардың коронавирустық инфекцияға қарсы егілгенін немесе соңғы алты айдағы ауру фактісін немесе EMIAS-да есепке алу үшін сертификатталған зертханалардың біріне ПТР анализдерді тапсырғанын растайды», - деп түсіндірді Мәскеу мэрі аппараты басшысының бірінші орынбасары Алексей Немерюк.

Ол QR-кодты тексеру бірнеше секундты алатынын нақтылады: смартфон камерасын кодқа сәйкестендірген кезде экранда сертификаттың жарамдылығын растайтын ақпарат, смартфон иесінің тегі, аты, әкесінің аты және құжаттармен салыстыру мақсатында оның төлқұжатының бірнеше саны пайда болады