SpaceX АҚШ-тың барлау спутнигімен зымыран ұшырды
SpaceX компаниясы Nrol-108 спутнигі бар Falcon 9 зымыранын ұшырды, - деп хабарлайды Tengrinews.kz тілшісі.Компания тапсырысты АҚШ-тың әскери-ғарыштық барлау ұлттық басқармасынан алған.
Трансляция SpaceX YouTube арнасында жүргізілді.
Зымыран Флорида штатындағы Кейп Канавералдағы ғарыш айлағынан сағат 09.00-де (АҚШ-тың шығыс жағалауындағы уақыт бойынша) ұшырылды. Біраз уақыттан соң зымыранның алғашқы бөлігі жерге оралды.
SpaceX Пентагонмен арадағы келісімшарт бойынша АҚШ-тың әскери-ғарыштық барлау ұлттық басқармасының тапсырысын орындайды. Осылайша, Falcon 9 зымыраны бесінші рет ұшырылып отыр.
Nrol-108 аппаратының құны - 1 миллиард доллар. Оның параметрлеріне қатысты ақпарат жоқ.
