Көп жасаудың жапондық құпиясы
Әлем халықтарының арасында ең ұзақ жасау мүмкіндігіне жапондар ие болып отыр. Қазір ол елде орташа, ерлер – 81, әйелдер 87 жасайды. Бұл Швейцария, Нидерландия тәрізді ең жақсы тұрмыстық жағдайға жеткен елдердің нәтижелерінен де едәуір жоғары. Жапон жұрты бұл күнде жүрек қантамырлары, рак ауруларының түрлері тәрізді бірқатар кеселді дерттерден көп зардап шеге бермейді.Аталған елде денсаулық сақтау және санитарлық салаларда, денешынықтыру жаттығуларына дағдылануда айтулы жетістіктер бар екені шындық. Алайда басты себеп тамақтана білуге байланысты көрінеді. Олар тұз салынбаған күріш бөртпе, жеміс-жидек пен көкөністі және теңіз өнімдерін молынан пайдаланады екен. Әсіресе көк шайды кеңінен тұтынулары рак аурулары түрлерінен сақтануда көп септігін тигізуде деседі. Олар күніне кемінде оншақты шыны аяқ көк шай ішу керек деп санайды.
Дайындаған С.БАХИҰЛЫ
