Ең алдымен, банк картасындағы барлық санды бір-біріне қосыңыз. Сонда 1-ден 9-ға дейінгі бір цифр шығады.

Мәселен, 5+1+6+9+4+9+7+1+0+0+5+1+6+5+0+4=63=6+3=9.

Карта иесін жарылқамайды. Өйткені бұл сан аз ақша шақырады. Табыс, көбіне жаңа идея, жаңа жоба, тың бастамалардан түседі.

Сәтсіз сандардың бірі. Ақша тез келіп, тез шашылады. Адамдар алды-артын ойламай, эмоцияға беріліп, жұмсап жібереді.

Үш, керісінше, сәтті цифр. Аз уақыттың ішінде мол ақша жинауға көмектеседі. Қысқа мерзім аралығында капиталыңыз ұлғаяды. Көп жағдайда бизнес пен қосымша табысқа жол ашады.

Төрт

Ақша жұмсарда, адам көп ойланып-толғанады. Дүкенге кірсе, ақшасын қимай, қалаған затын сатып алмауы мүмкін. Бұл әр тиынды орнымен жұмсап, үнемшілдікке үйретсе де, адам сараңдыққа бой алдыруы мүмкін.

Сандардың ішіндегі ең сәтсізі. Тапқан табыс оңды-солды, көбіне-көп көңіл көтеруге, қыдырысқа шашылады. Аяқ астынан шығындар пайда болады. Бес саны шыққандар ақшасын қайырымдылыққа жиі жұмсайды. Әлдекімге жаны ашып, қарызға берген ақшасын қайтара алмай жүреді. Егер банк картасының пин-коды 25, 55, 22 секілді сандар болса, онда ауыстыруға кеңес береміз.

Бұл сан тұрақтылықты білдіреді. Ақша оңай жолмен емес, адал еңбекпен келеді. Есесіне берекелі болады. Мұндай адамдар, негізінен, ай сайынғы жалақының есебінен байып жатады.

Тұрақты келіп, орнымен жұмсалады. Әр тиын, теңгенің жұмсалар орны бар. Бәрі алдын-ала есептеліп қойған.

Ең жақсы сандардың бірі, шексіздік дегенді білдіреді. Ақшаны магнит сияқты тартады. Кез келген кәсіптің тасы өрге домалап, үнемі пайда көресіз. Табыс жеңіл жолмен келеді. Ойламаған жерден депозит ашып немесе инвестиция салып, қалтаңызды қалыңдатуыңыз әбден мүмкін.

Бұл цифрдың сипаттамасы – әділ еңбекақы. Еңбегіңіз әрқашан да әділ бағаланады. Жақсы сандардың бірі деуге болады. Банк картасының пин-коды 8 бен 9 сандарынан құралса, табысқа кенелдім дей беріңіз. Бұдан бөлек, 3, 6 және 8 сандары да сәтті комбинация, баюға септігін тигізеді.