Ғалымдардың айтуынша, вирус жасушаларға қуыс жолақтар өсіруді "бұйырады". Ол арқылы инфекция құбырдан өткендей көрші жасушаларға өтеді. Бұл құрылым «қауіпті қармауыш» деп аталды: вирус бірден бірнеше сау жасушаларға шабуыл жасап, инфекцияның таралуын тездетеді.

Шешек ауруының да ағзада таралу режимі осындай екен. Алайда, ол коронавирус сияқты белсенді көбеюге қабілетті емес.

Ғалымдар бұған дейін көптеген жылдар бойы науқастарға әсер ете алатын коронавирустың салдарынан болатын денсаулыққа қатысты көптеген мәселелер туралы хабарлады. Мамандардың пікірінше, инфекция қанның құрылымын бұзуы мүмкін, бұл соққыларға, ауыр қабынуға әкелуі мүмкін, бұл көптеген ағза жүйесіне әсер етеді.

Вирус, сонымен қатар, неврологиялық асқынулар тудыруы ғажап емес. Бұл бас ауруы, айналуы, дәм мен иіс сезудің жоғалуы, ұстамалар мен шатасуларға әкеп соғады. Сонымен қатар, вирус ұйқы безіне, жүрекке, бауырға, миға, бүйрекке және басқа ағза мүшелеріне әсер етеді.

Көп жағдайларда коронавирустың басты белгілері- қызу көтерілуі, жөтел, тыныс алудың қиындауы. Бірақ егер ауру асқынған болса, ол симптомдарға бүйрек жеткіліксіздігі, ішкі органдардың зақымдануы және түсініксіз ұйысқан қан қосылуы мүмкін. Сондықтан дәрігерлер вирустың өкпені емес, қан тамырларын зақымдауы мүмкін деп болжайды. Бұл туралы tengrinews.kz порталы Naked-science ақпарат көзіне сілтеме жасай отырып жазады.

Цюрих университеті ауруханасының қызметкері Фрэнк Рушицк респираторлық ауру белгілері туралы зерттеуді сәуір айында бастады. Ауруханада коронавирустан қайтыс болған алғашқы адамның мәйітін ашу кезінде ол кішкентай ұйыған қан мен өлі жасушалардың өкпе капиллярларын бітеп, қан тамырларының кеңеюіне әкелгенін көрген. Бұл зерттеуді ғалым The Lancet журналында жариялады.

"COVID-19 - бұл тамыр проблемасы. Өкпе - күрестің негізгі бөлігі, бірақ бұл қан тамырлары ауруы", - деді Рушицка.