Қазалы Қазалы аудандық қоғамдық-саяси газет
» » » Мәңгілік шырқар жырымсың

Мәңгілік шырқар жырымсың

Ғани Мұратбаевтың мемо­риалдық музейі жанындағы Ғани алаңында Қазақстан мен Орта Азия жастарының жалынды ұйымдастырушысы, Шы­­ғыс­­тың жарық жұлдызы атан­ған тұғырлы тұлғаның туған күніне орай «Мәңгілік шырқар жырымсың» атты дәстүрлі жас ақындар мүшәйрасы өтті. Шараға жиналғандар алдымен оның ескерткішіне гүл шоқтарын қойды. «Шығыстың жарық жұл­дызы» тақырыбындағы көр­ме­мен танысты.

Мүшәйрада жас ақындар Ғани Мұратбаевтың өнегеге толы өмір жолы мен адами болмысын, еліне еткен елеулі еңбегін жырларына арқау етті. Соңына өшпес із қалдырған, бір туар перзент есімін мәңгі есте қалдыру, өнегелі өмірін жастарға үлгі ету мақсатында ұйымдастырылған мүшәйраға жиырмаға жуық жас ақын қатысты.

Кеш «Жас ғанитанушылар» үйірмесі мүшелерінің орын­дауындағы «Тойбастар» биі­мен ашылды. Аудандық мәде­ниет және тілдерді дамыту бөлімінің басшысы Б.Жолтаев құттықтау сөз сөйлеп, жарысқа қатысушы талапкерлерге сәт­тілік тіледі. Сонымен бірге бұрынғы комсомол қызметкері Б.Кәшімов, Бүкілодақтық комсомол сыйлығының иегері Д.Садақбаев, музей жанындағы «Өнеге» бірлестігі төрағасының орынбасары Ө.Күлімбетов Ғани туралы естеліктерімен бөлісті.

Әділқазылар шешімімен Әли­хан Махашев бас жүлдені жеңіп алды. Бірінші орын Диас Нұрлыбекке бұйырса, Жаннұр Әби мен Нұрила Бөкебай екінші орын иеленді. Аяулым Өмірзақ пен Ақбота Тағыберген үшінші орынға лайық деп танылды.

Шара соңында №18 балалар-жасөспірімдер спорт мектебінде Ғани кубогы үшін мекемелер арасында дәстүрлі кіші футболдан өткен жарыстың жеңімпаздары марапатталды. Спорттық шарада бірінші орынды Қазалы орман және жануарлар дүниесін қорғау жөніндегі мекеме қыз­меткерлері жеңіп алса, екін­ші орын Қазалы аграрлы-техникалық колледжінің футбол командасына бұйырды. Үшінші орын тұғырына Ғани Мұратбаев атындағы №17 мектептің спортшылары көтерілді. Сондай-ақ Ғ.Жақсылық «Үздік қақпашы», Ә.Бекқожа «Үздік шабуылшы», Б.Жанмырза «Үздік ойыншы», М.Ізімбетов «Үздік қорғаушы» бағамдарына ие болды.

Ұлболсын ЕРБОЛҚЫЗЫ
07 маусым 2019 ж. 142 0

Жаңалықтар мұрағаты

«    Маусым 2019    »
ДсСсСрБсЖмСбЖс
 12
3456789
10111213141516
17181920212223
24252627282930