Голливуд және Болливуд жұлдызы қазақстандық жобаларға қатысады. Бұл туралы Еуразиялық кинофестиваль директоры Мира Қарсақпаева мәлімдеді, деп хабарлайды Baq.kz ақпарат агенттігі TVK арнасына сілтеме жасап.

Үндістанның ең танымал әрі ең қымбат актері Митхун Чакраборти таяуда Оңтүстік Қазақстан облысына түсірілімге келеді. Ол тарихи лентаның құрылымына қатысады.

«Біз сәуірде фильм түсіреміз, Чакрабортидің қатысуымен таза үнді фильмі болады. Үлкен қамал соғамыз және фильмнің Шымкентте түсірілгені барлық жерде айтылады», - дейді Мира Қарсақпаева.Сонымен қатар, таяуда қазақстандық режиссерлер тұңғыш рет Лондондағы кинофестивальге қатысады. Мира Қарсақпаеваның айтуынша, оған 2016 жылдан бері түсірілген толықметражды кез келген фильм қатыса алады. Кинофестивальдің басты қонағы - Голливуд жұлдызы Бред Питт болады.