«Томирис» тарихи фильмінің трейлері шықты (видео)
Біздің дәуірімізге дейінгі VI ғасырдағы оқиғалар жайында сыр шертетін «Томирис» көркем фильмінің ресми трейлері шықты. Көрермен фильмді кинотеатрлардан күз айында тамашалайды.«Достар, зор қуанышпен назарларыңызға көптен күткен трейлерімізді ұсынамын. Фильм күзде шығады», деді режиссер Ақан Сатаев Инстаграмдағы парақшасында.
Айта кету керек, сақ патшайымы жайындағы «Томирис» ауқымды тарихи жобасы 2017 жылдың сәуірінде басталған еді. Фильмді ҚР Мәдениет және спорт министрлігінің тапсырысымен Шәкен Айманов атындағы «Қазақфильм» АҚ «Сатайфильм» кинокомпаниясы түсірді.
Бас продюсер - Әлия Назарбаева («Анаға апарар жол»). Фильмнің қоюшы режиссері - Ақан Сатаев («Рэкетир», «Адасқан», «Ликвидатор», «Жаужүрек мың бала», «Анаға апарар жол»).
Картина VI ғасырдағы оқиғалар жайында сыр шертеді. Ол кезеңде сақ тайпалары ұлы даланы жаулап алуға келген парсы патшасы ІІ Кирге ойсырата тойтарыс береді. Сақ әскерінің қолбасшысы, массагеттердің патшайымы Тұмар (Томирис) болды.
egemen.kz
