kyzylorda-news.kz Қазгидромет мәліметіне сәйкес, 3-5 шілде аралығында сынап бағанасы 45 градусқа дейін көтеріледі.

«Солтүстікте, солтүстік-батыс пен орталықта түнде +15+23℃, күндіз плюс +35+40℃. Шығыста түнде 12+20℃-тан +17+25°С-қа дейін жетеді. Күндіз +27+35℃, кей жерлерде 30+38°С ыстық болады», – деп хабарлады синоптиктер.

Құтқарушылар Қызылорда, Түркістан, Маңғыстау, сондай-ақ Атырау, Жамбыл, Ақтөбе облыстарының басым бөлігі мен Қарағанды, Батыс Қазақстан, Қостанай облыстарының кей жерлерінде, Алматы облысының кейбір аудандарында өрт қаупі жоғары екенін ескертеді.

Елордада 3 шілде күні түнде +22+25 градус, күндіз +33+35 градус ыстық болады. Жексенбі күні күндіз сынап бағанасы 36 градусқа дейін көтеріледі. 5 шілдеде түнде +23, күндіз +35 градус ыстық.

Алматыда сенбі күні түнде +24 градус, күндіз +33 градусқа дейін ыстық болады. 4 шілдеде күн ашық, күндіз шамамен плюс 32 градус. Дүйсенбі күні +34 градус.

Шымкентте 3 шілдеде түнде 28 градус нөлден жоғары, күндіз 39 градус ыстық. Жексенбі күні түнде +27, күндіз плюс 40 градус. 5 шілдеде күндіз ауа температурасы +39℃ шамасында болады.