Күн бетінде жарты сағатқа созылған қуатты жарқыл тіркелді
Shutterstock / FOTODOM5 қыркүйек кешке Күнде қуаты жағынан екінші жоғары санатқа жататын жарқыл тіркелді. Бұл туралы Қолданбалы геофизика институты мәлімдеді, деп хабарлайды Ulysmedia.kz.
Рентген диапазонында 4520 (S12W68) күн дақтары тобында M1.0 класындағы жарқыл байқалған. Ол 30 минутқа созылды.
Қуаты жағынан екінші жоғары санат
Күн жарқылдары рентген сәулесінің қуатына қарай жіктеледі. Барлығы бес класс бар- A, B, C, M және X.
Осылайша, 5 қыркүйекте тіркелген M класы қуаты жағынан X класынан кейінгі екінші орында тұр.
Қуат он есе артады
Ең төменгі A0.0 класына Жер орбитасында бір шаршы метрге 10 нановатт сәуле қуаты сәйкес келеді.
Бір әріптік кластан келесісіне өткен сайын рентген сәулесінің қуаты он есе артады.
Плазма атқылауы болуы мүмкін
Күндегі жарқылдар кейде плазманың ғарышқа атқылауымен қатар жүреді.
Егер Күннен шыққан плазма бұлттары Жерге дейін жетсе, магнит дауылын туғызуы мүмкін.
