«Ауылымның үлгілі келіндері »: Ұлттық киіммен сайлау учаскесіне келді
Қармақшы ауданындағы №105 сайлау учаскесіндеі «Ауылымның үлгілі келіндері» бастамасы аясында ерекше шара ұйымдастырылды.
Ауыл келіндері ұлттық киімдерін киіп, бір мезетте сайлау учаскесіне келіп, өз таңдауларын жасады.
Қазақы нақыштағы ұлттық киім киген келіндердің бір уақытта учаскеге келуі көпшіліктің назарын аударды. Әсемдік пен салт-дәстүрді ұштастырған бұл көрініс сайлау күнінің есте қаларлық сәттерінің біріне айналды.
Ауыл келіндері азаматтық белсенділігін көрсетумен қатар, ұлттық киімнің қадірін, қазақы салт-дәстүр мен әдет-ғұрыптың маңызын дәріптеді.
Дәстүрі дәріптелген елдің ұрпағы да өнегелі болады.
