Қазалылық теміржолшылар Құрылтай сайлауына қатысты

Әйтеке би кентіндегі Қазалы көлік-техникалық жоғары колледжінде орналасқан №92 сайлау учаскесінде таңғы сағат 7.00-ден бастап Құрылтай сайлауында дауыс беру қарқынды жүргізілуде.

Таң азанымен туған жердің, елдің жарқын болашағына өз үлестерін қосу үшін «Қазалы локомотив жөндеу зауытының» қызметкерлері ұжым болып сайлау учаскесіне келіп, өз таңдауларын жасады.Теміржолшылардың сайлауға белсенді қатысуы – азаматтардың елдің қоғамдық-саяси өміріне бейжай қарамайтынын көрсетеді.

Құрылтай сайлауы – әрбір азаматқа өз таңдауын білдіріп, ел болашағына қатысты маңызды мәселелерге өз үнін қосуға мүмкіндік беретін саяси науқан.