Қазалылылық өнерпаздар Құрылтай сайлауын мерекеге айналдырды
Бүгін ел өміріндегі маңызды саяси науқан – Қазақстан Республикасы Құрылтайы депутаттарының сайлауына орай Қазалы ауданының өнерпаздары Әйтеке би кентіндегі сайлау учаскелерін аралап, сайлаушыларға көтеріңкі көңіл күй сыйлады.Өнерпаздар елге танымал әуезді әндерін шырқап, сайлау учаскелеріне келген тұрғындарға мерекелік әсер сыйлады. Әсем ән мен ұлттық нақыштағы өнер көрсетілімдері саяси науқанның мазмұнын айшықтап, сайлау күнінің ерекше атмосферасын қалыптастырды.
Сайлау учаскелерінде тұрғындарға ұлттық тағамдар ұсынылып, ұлттық ойындар ұйымдастырылып, елдік науқанға ерекше мән берілуде.
Құрылтай сайлауы – ел бірлігін айшықтаған, жұртшылықтың белсенділігін арттырған маңызды күн!
