Ел болашағына жас жұбайлар да үн қосты

Құрылтай сайлауында әр азаматтың таңдауы маңызды. Осы жауапты науқанға №66 сайлау учаскесіне келіп, жас отбасы Жақсыбай Әлішер Қайрақбайұлы мен Есқуатова Жанель Русланқызы да қатысты.

Жуырда ғана шаңырақ көтерген қос жас үшін бүгінгі күннің орны ерекше. Олар ел өміріндегі маңызды саяси науқанға да бірге атсалысып, өз таңдауларын жасады.

«Бүгін біз үшін ерекше күн. Еліміз үшін маңызды сайлауға бірге қатысып отырмыз. Бұл – біз үшін азаматтық жауапкершілікпен қатар, қуанышты сәт», – дейді жас жұбайлар.