Қазақстанда телеарналар мен радиолар хабар таратуды уақытша тоқтатады
Фото: depositphotos.comҚазақстандықтарға бүкіл ел бойынша теле және радиохабар таратудың уақытша тоқтатылатыны ескертілді. Шектеулер жоспарлы профилактикалық жұмыстардың жүргізілуіне байланысты, деп хабарлайды Tengri Life.
"Қазтелерадио" АҚ хабарлауынша, профилактикалық жұмыстар 2026 жылғы 22 шілдеге жоспарланған. Бұл күні сағат 03:00-ден 17:00-ге дейін телеарналар мен радиостанциялардың хабар таратуы уақытша тоқтатылады.
Өшіру бүкіл Қазақстан аумағындағы жерсеріктік, цифрлық эфирлік және аналогтық теледидар желілерін, сондай-ақ радиохабар таратуды қамтиды. Көрсетілген кезеңде пайдаланушыларда телеарналар мен радиостанциялар қолжетімсіз болуы мүмкін.
"Қазтелерадио" АҚ-да жұмыстардың жоспарлы түрде жүргізіліп жатқаны атап өтілді.
"Бұл жұмыстарды жүргізу болашақта тұрақты және сапалы хабар таратуды қамтамасыз ету үшін қажет", - деп атап өтті компания.
Профилактикалық жұмыстар аяқталғаннан кейін телеарналар мен радиостанциялардың көрсетілімі әдеттегі режимде қалпына келтіріледі. Сондай-ақ компания көрермендер мен тыңдаушылардан уақытша қолайсыздықтар үшін кешірім сұрады.
