"+41°C-қа дейін": Синоптиктер еліміз бойынша алдағы күндерге арналған ауа райы болжамын жариялады
Фото: pixabay.comҚазгидромет елімізге арналған 7-9 шілдеге арналған қысқаша ауа райы болжамын жариялады. Алдағы күндері еліміздің басым бөлігінде ауа райы құбылмалы болады. Бұл туралы Stan.kz ақпарат агенттігі хабарлайды.
Синоптиктердің мәліметінше, осы кезеңде елдің батысында, шығысында және оңтүстік-шығысында, сондай-ақ 7-8 шілдеде солтүстік пен орталық өңірлерде жаңбыр жауып, найзағай ойнайды.
7 шілдеде орталық пен шығыста,
8 шілдеде батыста және оңтүстік-шығыстың таулы аймақтарында,
9 шілдеде батыста нөсер жаңбыр жауып, бұршақ түсуі мүмкін.
Сонымен қатар батыс, оңтүстік және шығыс өңірлерде жел күшейеді.
Еуропаның бірнеше елінде аптап ыстықтан ормандар өртеніп, адамдар эвакуацияланып жатыр
Еуропаның бірнеше елінде аптап ыстықтан ормандар өртеніп, адамдар эвакуацияланып жатыр
Оқыңыз
Синоптиктердің мәліметінше, алдағы күндері ауа температурасы біртіндеп көтеріледі. Елдің солтүстік-батысы мен орталығында аптап ыстық болып, ауа температурасы 35-39 градусқа, кей жерлерде 41 градусқа дейін жетеді. Солтүстік өңірлерде де күн қатты ысып, 35-38 градус болады.
"Еліміздің қалған аумағында ауа температурасының айтарлықтай өзгеруі күтілмейді", – деп хабарлады Қазгидромет.
