Елде Доллар, еуро, рубль: бүгінгі нарықтағы нақты бағалар
Фото: pixabay Сарапшылар бағамдардың күн ішінде бірнеше рет өзгеруі мүмкін екенін ескертеді. SMARTNEWS.KZ басылымының хабарлауынша, Қазақстанның ірі қалаларында шетел валютасының бағамы жаңарды. Астана мен Алматыдағы айырбастау пункттері доллар, еуро, рубль және юань бойынша соңғы ұсыныстарын жариялады.
Kurs.kz деректеріне сүйенсек, елордадағы валюта нарығында доллар 462 теңгеден сатып алынып, 468,91 теңгеден сатылып жатыр. Еуроның сатып алу бағасы 540 теңге болса, сату құны 549,97 теңгеге жеткен. Рубль 5,85–6,15 теңге аралығында, ал юань 67,03–73,74 теңге шамасында саудалануда. Алматыдағы айырбастау орындарында көрсеткіштер сәл өзгеше. Мұнда доллар 463,68 теңгеден қабылданып, 466,34 теңгеден сатылуда. Еуро 542,50–547,93 теңге аралығында бағаланып отыр. Рубль 6,03–6,15 теңге деңгейінде, ал юань 68,42–71,35 теңге аралығында саудалануда. Сарапшылардың айтуынша, қалааралық айырмашылықтар нарықтағы сұраныс пен ұсынысқа байланысты қалыптасады. Бағамдар күн ішінде бірнеше рет өзгеруі мүмкін.
