Қазақстанда жаңа мереке пайда болады – тазы мен төбет күні
Фото: Pixabay.comҚазақстанда тағы бір мерекелік дата пайда болды. Үкімет күнтізбеге қазақы ит тұқымдарына арналған – тазы мен төбет күнін енгізуді ұйғарды. Жаңа мереке жыл сайын 3 қыркүйекте аталып өтеді, деп хабарлайды Ulysmedia.kz.
ТОЛЫҒЫРАҚ
Тиісті қаулыға қол қойылды.
Мерекелік күндер тізбесі мына тармақпен толықтырылсын: Қазақы тазы мен төбеттің күні - 3 қыркүйек, – делінген Үкімет құжатында.Қаулы он күннен кейін күшіне енеді.
КОНТЕКСТ
Соңғы жылдары қазақы ит тұқымдарына қызығушылық артып келеді. 2024 жылы Халықаралық кинологиялық федерация қазақы тазыны ресми түрде танылған тұқымдар тізіміне енгізді. Қазақстан бұл тұқымның стандартын иеленуші ел мәртебесін бекітті.
Бұған дейін Қасым-Жомарт Тоқаев тазы мен төбетті шетелде насихаттауды, оларды дамытуды және халықаралық көрмелерге белсендірек қатысуды тапсырған еді.
