Үш облыста жол ашылды
Фото: istockphoto.com«ҚазАвтоЖол» Шығыс Қазақстан, Қарағанды мен Ұлытау облыстарында көлік қозғалысы ашылғанын мәлімдеді, деп хабарлайды turkystan.kz.
Шығыс Қазақстан облысы
2026 жылғы 17 сәуір сағат 10:30-да республикалық маңызы бар «Алматы — Өскемен — Шемонаиха — РФ шекарасы» автожолының 1104-1191 шақырым аралығындағы учаскесінде (Глубокое ауылы — Шемонаиха қаласы) қозғалыс ашылды.
2026 жылғы 17 cәуір сағат 11:00-де келесі республикалық маңызы бар автожолдарда барлық көлік түрлері үшін қозғалыс ашылады:
Қарағанды облысы
- «Қызылорда — Жезқазған — Қарағанды — Шідерті» автожолының 788-906 шақырым аралығы (Ұлытау облысының шекарасы — Топар кенті).
Ұлытау облысы
- «Қызылорда — Жезқазған — Қарағанды — Шідерті» автожолының 433-788 шақырым аралығы (Жезқазған қаласы – Қарағанды облысының шекарасы).
1403 байланыс орталығына хабарласып, тәулік бойы қосымша ақпарат алуға болады.
