Көктайғақ, бұршақ: Синоптиктер ауа райы болжаным жариялады

istockphoto«Қазгидромет» РМК 14 сәуірде еліміздің бірнеше өңірінде ауа райына байланысты дауылды ескерту жариялады. 
Атмосфералық фронтальды бөлімдердің өтуімен Қазақстанның батысында, солтүстігінде, шығысында ауа-райының тұрақсыз сипаты сақталады, найзағай ойнап, жаңбыр жауады. Республиканың батысында, оңтүстік-батысында қатты жаңбыр, бұршақ жауып, дауыл тұрады. Елдің солтүстігінде, шығысында түнгі уақытта жауын-шашын (жаңбыр, қар) болады. Басқа аймақтарда жауын-шашынсыз ауа райы күтіледі.
Республика бойынша тұман болып, желдің күшейіп, оңтүстікте шаңды дауыл тұрады, ал еліміздің шығысында көктайғақ болады.
Түркістан облысының батысында, солтүстігінде, Жамбыл облысының батысында, оңтүстік-шығысында, Алматы облысының солтүстігінде, батысында, орталығында, Жетісу облысының солтүстігінде, оңтүстігінде, орталығында, Қарағанады облысының батысында, оңтүстігінде, Абай облысының оңтүстігінде өрт қаупі жоғары болады деп болжанған