РЕФЕРЕНДУМҒА КЕЛЕ АЛМАҒАН АЗАМАТТАР ҮЙДЕН ДАУЫС БЕРДІ
Референдум барысында денсаулығына байланысты референдум учаскесіне келе алмайтын азаматтар комиссия арқылы өтініш қалдырып, үйден дауыс беруде.
Арнайы жылжымалы референдум жәшіктерімен референдум комиссиясының мүшелері әр үйге барып, тұрғындардың таңдау жасауына жағдай жасап отыр.
Бұл шара — әрбір дауыс берушінің конституциялық құқығын толық іске асыруға бағытталған.
Үйде дауыс беру процесі де жалпы тәртіпке сәйкес жүргізілуде. Комиссия мүшелері бюллетеньдерді дауыс берушіге табыстап, дауыс беру құпиялығы қатаң сақталуын қамтамасыз етуде.
Айта кетейік, дауыс беру 20.00-ге дейін жүзеге асады.
#Референдум2026
#15наурыз
