500-ші болып тіркелген азамат таңдауын жасады
№93 учаскесінде дауыс беру жоғары белсенділікпен өтуде. Түс ауа учаскеде маңызды меже бағындырылды. Мұнда референдумға қатысушылардың саны бес жүзге жетті.
Учаскеге келіп, 500-ші болып тіркелген азамат – Құлтас Бекмырза. Ол өз таңдауын жасап, азаматтық жауапкершілігін мақтанышпен орындады. 500-ші дауыс берушінің келуі учаскедегі мерекелік ахуалды одан ары қыздыра түсті.
Комиссия мүшелері мен бақылаушылар мерейлі дауыс берушіні ерекше қошеметпен қарсы алды. Құлтас Бекмырзаға естелік ретінде шағын сыйлық табысталып, ел болашағы жолындағы белсенділігі үшін алғыс айтылды.
«Өз дауысымның осындай мерейлі санға сәйкес келгеніне қуаныштымын. Бұл әрбір қазақстандықтың таңдауы ел тарихында маңызды екенінің символы сияқты сезіледі», – деді Бекмырза.
