Теміржолшы мен дәрігер азаматтық таңдауын жасады

№91 учаскесінде республикалық референдум аясында дауыс беру үдерісі белсенді түрде жалғасуда. Таңнан бастап тұрғындар учаскеге келіп, өз таңдауларын жасап, азаматтық борыштарын орындауда.

Солардың қатарында теміржол саласының маманы Гүлжазира Боранбаева мен адам жанының арашашысы, реаниматолог дәрігер Бақытбек Төлегенов те келіп, референдумда дауыс берді. Олар өз таңдауларын жасап, ел болашағына бейжай қарамайтын азаматтық ұстанымдарын көрсетті.

Қазіргі уақытта учаскеде дауыс беру заң талаптарына сай, ашық әрі ұйымдасқан түрде өтуде. Тұрғындардың белсенділігі жоғары, легі жалғасып жатыр.