Бүгін 7 қаланың ауасы ластанады
«Қазгидромет» РМК еліміздегі ауа сапасына қатысты болжамын жариялады.
Фото: Pixabay.com
Фото: Pixabay.com— 2026 жылғы 18 қаңтарда Павлодар, Қарағанды, Теміртау, Өскемен, Семей, Риддер, Ақтөбе қалаларында ауаның ластануының қолайсыз метеорологиялық жағдайлары күтіледі, — делінген хабарламада.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Айта кетейік, бүгін 14 облыста ауа райына байланысты ескерту жарияланды.
