Енді имам рөлін атқаратын жасанды интеллект болады: Муфтият Imam AI қосымшасын іске қоспақ
Қазақстан мұсылмандары діни басқармасы (ҚМДБ) жасанды интеллектке негізделген Imam AI жобасын іске қосуды жоспарлап отыр. Бұл туралы муфтият өкілдері мәлімдеді.
Фото: ҚМДБҚМДБ-ның айтуынша, заман талабына сай жасанды интеллектіні діни салада да қолдану қажеттілігі туындап отыр. Осы мақсатта арнайы мобильді қосымша әзірленіп, онда пайдаланушылар Imam AI арқылы діни сұрақтарына жауап ала алады.
Жоба авторларының сөзінше, жасанды интеллект тек тексерілген әрі сенімді діни дереккөздерге сүйене отырып жауап береді. Қосымша мұсылмандарға діни мәселелерді дұрыс түсінуге көмектесуді көздейді.
