22 желтоқсан Қазақстанның кей өңірлерінде -30 градусқа дейін аяз болады
Бүгін елімізде күн суытып, қар жауады.
«Қазгидромет» РМК 22 желтоқсанға арналған ауа райы болжамын жариялады. Кей аймақтарда қар жауып, боран соғады, деп хабарлайды KYN.KZ ақпарат агенттігі.
Астана, Ақмола, Қостанай, СҚО, Павлодар, Қарағанды, Ұлытауда қар жауып, боран соғады, кей жерде тұман мен көктайғақ күтіледі. Ауа температурасы түнде 20-30° аяз, күндіз 7-15° аяз болады.
Шығыс өңірлерде қар, бұрқасын, тұман және көктайғақ күтіледі. Кей жерлерде қар қалың түседі. Түнде ауа температурасы 15-25° аяз, күндіз 7-15° аяз, 23 желтоқсанда кей өңірлерде 3–8° аязға дейін жұмсарады.
БҚО, Атырау, Маңғыстау, Ақтөбеде қар мен жаңбыр аралас жауын-шашын, тұман және көктайғақ күтіледі. Ауа температурасы түнде 0-15° аяз аралығында, күндіз 2° аяздан 8° жылуға дейін көтеріледі.
Алматы, Жетісу, Жамбыл, Түркістан, Қызылордада қар мен жаңбыр аралас жауын-шашын жауып, таулы аймақтарда боран, тұман және көктайғақ болады. Түнде ауа температурасы 0-20° аяз, күндіз 2° аяздан 8° жылуға дейін. Алматы мен Жетісу өңірлерінде қар жауады, оңтүстікте ауа райы салыстырмалы түрде жұмсақ болады.
