Тәуелсіздік күніне орай біржолғы ақшалай төлем кімдерге берілмек
Біржолғы әлеуметтік төлемнің көлемі 60 айлық есептік көрсеткішті (АЕК) құрайды.
Астана қаласының Жұмыспен қамту және әлеуметтік қорғау басқармасының мәліметінше:
«Қазақстан Республикасының Тәуелсіздік күніне (16 желтоқсан) орай, “Жаппай саяси қуғын-сүргін құрбандарын ақтау туралы” ҚР Заңына сәйкес ақталған, 1986 жылғы 17-18 желтоқсан оқиғаларына қатысқан саяси қуғын-сүргін құрбандарына 60 АЕК мөлшерінде біржолғы ақшалай әлеуметтік көмек көзделген».
Біржолғы ақшалай әлеуметтік төлемді қала әкімдіктері жүргізіп жатыр. Мысалы, Жетісу мен Қостанай облыстарында – 200 мың теңге, Қызылорда, Ақтөбе, Ақтау облыстарында – 220 мың теңге, сондай-ақ Ақмола облысы мен бас қалада да осындай сомма берілмек. Алматы қаласында – 250 мың теңге берілу көзделіп отырса, Қарағанды облысы 400 мың теңге бермек.
