Бүгін 11 қалада ауа сапасы нашарлайды
«Қазгидромет» РМК еліміздегі ауа сапасына қатысты болжамын жариялады.
Фото: freepik.com«2025 жылдың 17 қарашасында Атырау, Ақтөбе, Шымкент, Алматы, Астана, Қарағанды, Жезқазған,Теміртау, Балқаш, Өскемен, Риддер қалаларында қолайсыз метеорологиялық жағдайлар күтіледі», делінген хабарламада.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Еске сала кетейік, «Қазгидромет» РМК 17 қарашада ауа райына байланысты бірқатар өңірде ескерту жариялап, еліміздің басым бөлігінде тұман түсіп, жел күшейетінін хабарлады.
