Ашық алаңда айтулы мәселе
Қазалы қалалық мәдениет Үйі, Қазалы аграрлы-техникалық колледжі ұжымының ұйымдастыруымен «Адал адам» мәдени-тәрбие беру орталығы тұжырымдамасын жүзеге асыру мақсатында «СҰХБАТ ТІМЕ» жобасы аясында "Нашақорлық – ғасыр дерті" атты шара өткізілді.Жас жеткіншектеріміздің санасына салауатты өмір сүру, жастардың бос уақытын тиімді өткізу, зиянды әрекеттерден аулақ болуды насихаттау мақсатындағы шараға «Нұралы» мешітінің имамы Рүстем Ешмахан, Қазалы аудандық көпбейінді орталық ауруханасының «Шипагер" дәрігерлік амбулаториясының меңгерушісі Аралкүл Ашықбай, Қазалы ауданының полиция бөлімі, Қоғамдық қауіпсіздік бөлімшесінің, Ювеналды полиция тобының аға инспекторы, полиция майоры Махаббат Бегалиева, Қалалық мәдениет Үйінің директоры Бауыржан Ізмағанбетов қатысты. Басқосуда жасөсірімдер мен жастар арасындағы мәселелерге тоқталып, маскүнемдік пен нашақорлықтың салдары туралы мәліметтер мен қоғам дертінің алдын алуға бағытталған шаралар сөз болды. Еркін алаңда сұрақтар қойылып, ой-пікірлер ортаға салынды. Қазалы аграрлы-техникалық колледжі студенттері көрініс көрсетіп, тақырыптық өнерлерін ұсынды.
Алтын ҚОСБАРМАҚОВА
