Қазақстанда есірткі қылмысына қарсы күресу үшін екі ЖИ жобасы енгізіледі
Фото: IstockҚазақстанда есірткі қылмысына қарсы күресу үшін екі ЖИ-жоба енгізілетін болады. Бұл туралы Бас прокурор Берік Асылов мәлімдеді. Crypto Trace және ProkAi деп аталатын екі инновациялық құралды Шымкент қаласының прокуратурасы мен отандық IT-әзірлеушілер бірлесе отырып жасаған.
Х. Асылов әлеуметтік желісінде хабарлағандай, екі жоба да қайтарымсыз негізде жүзеге асырылып, Шымкент прокуратурасының балансына берілген.
«Crypto Trace – бұл жаңа буынның іздеу жүйесі, ол желідегі транзакцияларды талдауға және есірткі бизнесінің қаржысын анықтауға көмектеседі. ProkAi – интернеттегі есірткі саудасын анықтай алатын интеллектуалды платформа», – деп жазды Асылов.
Жасанды интеллект 24/7 жұмыс істейді және кәсіби маманға қарағанда ондаған, тіпті жүздеген есе көп іздеу операцияларын орындауға қабілетті.
Прокуратура мәліметінше, «ProkAi» чат-боты жұмыс істеген үш айдың ішінде 2 000-нан астам дропперлер шоты анықталған.
«Бағдарлама қылмыскерлерден алынған SimBox құрылғыларының көмегімен есірткі дүкендерінің жүздеген нөмірлеріне қосылады және қылмыстық шоттардың кең ауқымын қамтамасыз етеді», – деді Асылов.
Бас прокурор дропперлердің 15 мыңнан астам шоты, оның ішінде 2 мыңға жуығы қазақстандық, 13 мыңнан астамы шетелдік және 620 криптовалюта шоттары анықталғанын айтты. Жүзден астам дропперлер қылмыстық жаіапкершілікке тартылған. Оның сөзінше, соңғы пайда табушылардың нақты крипто-әмияндарын тез арада анықтауға мүмкіндік туды. Бұл әмияндарда шамамен 5 млн USDT сомасына активтер жатыр. Алдағы уақытта аталған бағдарлама бүкіл ел бойынша енгізілетін болады.
