Қабылдауда жұмыспен қамту және мемлекеттік қолдау тетіктері түсіндірілді
Бүгін партия филиалында жұмыспен қамту және әлеуметтік мәселелер бойынша тақырыптық қабылдау өтті. Іс-шараға партия филиалының Атқарушы хатшысы Нұрғиса Жалғасбаев, аудандық жұмыспен қамту және әлеуметтік бағдарламалар бөлімінің басшысы Совет Бабанаев пен аудандық Мансап орталығының директоры Болатбек Баймаханов қатысты.Қабылдау барысында әрбір азаматтың өтініші жеке қаралып, тиісті мамандар тарапынан нақты кеңестер берілді. Кәсіпкерлікпен айналысуға ниетті тұрғынға мемлекеттік қолдау тетіктері, оның ішінде «Ауыл аманаты» бағдарламалары аясында берілетін жеңілдетілген несиелер және қайтарымсыз гранттар туралы толық ақпарат ұсынылды.
Жұмыспен қамту мәселесін көтерген азаматтарға аудандық Мансап орталығы арқылы тұрақты және маусымдық бос жұмыс орындары жөнінде мәлімет беріліп, жұмысқа жолдама алу мүмкіндігі қарастырылды.
#AMANAT
