Доллар бағамы шілдедегі көрсеткішке дейін түсті
istockphoto.comҚазақстан қор биржасындағы (KASE) күндізгі сауда қорытындысы бойынша бір АҚШ долларының орташа бағамы 530,15 теңге болды. Бір тәулікте доллар тағы 5 теңгеден аса арзандады, деп хабарлайды turkystan.kz.
Биржадағы бұдан да төмен баға үш ай бұрын – 21 шілдеде (529,44 теңге) тіркелген. Осыдан кейін доллар рекорд жаңартып, 549,15 теңгеге дейін өскен еді. Кейіннен оның бағасы төмендей бастады.
Бүгін сағат 15:30-дағы Kurs.kz порталының мәліметі бойынша айырбастау пункттеріндегі доллар бағамы:
Астана: сатып алу – 526–527 тг, сату – 532–533 тг
Алматы: сатып алу – 523,7–529,2 тг, сату – 530–534 тг
Шымкент: сатып алу – 527–529 тг, сату – 531–532 тг
Еуро бағамы да биржада бір тәулікте шамамен 8 теңгеге төмендеді. Бүгін сағат 15:20-дағы орташа бағам – 616,76 теңге.
Еліміздегі айырбастау пункттеріндегі еуро бағамы:
Астана: сатып алу – 608 тг, сату – 616–620 тг
Алматы: сатып алу – 607,5–618 тг, сату – 616,5–625 тг
Шымкент: сатып алу – 610–623 тг, сату – 618–630 тг
