Қазалыда жаңа жыл кешінде эстрада жұлдыздары өнер көрсетті

Кеше Қазалы ауданының тұрғындары мен қонақтары Жаңа жыл мерекесін Орталық алаңда ерекше көңіл-күймен өткізді.

Мерекелік шарада аудан әкімі Мұрат Ергешбаев аудан халқын жаңа жылмен құттықтап, әр отбасыға бақыт тіледі. Аудан басшысы өткен жылда бағындырылған белестер аз емес екенін айтты. Алдағы жоспар ауданның одан әрі көркеюіне күш салу болмақ. 

Шара эстрада жұлдыздарының қатысуымен мерекелік гала концертке ұласты. Белгілі әншілер Нұрболат Абдуллин мен Қуандық Рахым қазалылықтарды Жаңа жылмен құттықтап, мерекелік көңіл-күй сыйлады.