Аустралияда миды жасартатын таблеткалар сынақтан өткізіледі
Фото: ©Pixabay.com2021 жылы OpenAI басшысы Сэм Альтманның инвестициясымен құрылған Retro компаниясы2025 жылдың соңына дейін Аустралияда клиникалық сынақтарды бастамақ, деп хабарлайды El.kz интернет порталы.
Басты үміт жасушалардың «қоқыс тазалау» процесін (аутoфагияны) іске қосатын RTR242 препаратына артылып отыр. Себебі жас ұлғайған сайын бұл механизм әлсірейді.
Егер әдіс тиімді болса, ағза зақымданған ақуыздар мен нейрондарды тазарта алады, бұл когнитивтік қартаюды баяулатуы мүмкін.
Retro компаниясының бас директоры Джо Беттс-Лакруаның айтуынша, жасуша ішінде жиналатын «бұзылған және мутацияға ұшыраған ақуыздар» қартаюмен байланысты аурулардың басты себептерінің бірі.
RTR242 артықшылықтары:
Жаңа препарат табиғи утилизация механизмдерін қайта іске қосуға бағытталған.
Компанияның пікірінше, тіпті белсенді өмірге қосымша 10 жыл қосу - үлкен серпіліс; себебі қатерлі ісікті толық емдеудің өзі орташа өмір сүру ұзақтығын шамамен 3 жылға ғана арттырады.
Сондай-ақ компания қан және жүйке жүйесі ауруларына арналған дің жасушалары негізіндегі терапияны дамытуды жоспарлап отыр.
Әзірге Retro консервативті бағытты ұстанып отыр - миға «тазалау» жүргізіп, когнитивтік әлсіреуді кешіктіретін таблетканы клиникалық сынақтан өткізбек.
Сарапшылардың пікірінше, алғашқы кезеңнің табысты аяқталуы миллиардтаған инвестиция тартуға жол ашып, Retro-ны ұзақ өмір индустриясындағы ірі ойыншылардың бірі - Altos Labs деңгейіне шығара алады.
