Өткен айда жылдық инфляция 12,2 пайызға жетті
Еліміздің 17 өңірінде қымбатшылық өскен.
Фото: Depositphotos.comҰлттық банк бір айлық және жылдық инфляцияның деңгейін жариялады, деп хабарлайды inbusiness.kz сайты.
Қазақстанда тамыз айында жылдық инфляция 12,2 пайызды құрады. Шілде айында оның деңгейі 11,8 пайыз болған еді.
Осылайша, жылдық инфляция 17 өңірде жеделдесе, 3 өңірде баяулай түсті.
"Тамызда азық-түлік тауарларының бағасы жылдық мәнде 11,7 пайызға өсті. Әсіресе, Ұлытау облысында (14,8%) ең жоғары өсім болды. Ал Алматы қаласында ең төмен – 8,7% проценттік өсім тіркелген", – деп жазылған хабарламада.
Азық-түлікке жатпайтын тауарлардың бағасы жылдық мәнде 9,7 пайызға артса, ең жоғары өсім Абай облысында (12,6%), ал ең төменгі мән Алматы қаласында (7,5%) тіркелді.
Тамыз айында ақылы қызметтердің бағасы да жылдық мәнде 15,3 пайызға артты.
Маңғыстау облысында ғана бұл өсім (9,8%) жалпы республикалық деңгейден біршама төмен болды.
