Президенттің жақын туыстары мен тұтас отбасы билікке келе алмайды – Тоқаев
Президент Конституциядағы жаңа реформаларға тоқталды
Фото: Ақорда
Бүгін Конституциясының 30 жылдығына арналған «Конституция және мемлекеттілік: құқық пен болашақ диалогы» атты ғылыми-практикалық конференцияда сөз сөйлеген президент Қасым-Жомарт Тоқаев Ата Заңды реформалау арқылы қол жеткізген саяси шешімдер туралы айтты, деп жазады Azattyq Rýhy.
Ол «еліміздің саяси жүйесінде «Күшті Президент – ықпалды Парламент – есеп беретін Үкімет» қағидаты орныққанын» айтып, бұның пайдасын түсіндірді.
«Бұл билікте өзара тиімді байланыс пен тепе-теңдікті сақтауға мүмкіндік берді. Президенттің жеті жылға бір рет қана сайлануы ел тарихындағы аса маңызды саяси-құқықтық бетбұрыс деп айтуға толық негіз бар. Себебі мұндай жағдай Қазақстанда бұрын-соңды болған емес», - дейді президент.
Сондай-ақ Тоқаевқа Конституциядағы соңғы реформаларға сай, заң бойынша президенттің туыстары билікте лауазымды қызмет атқара алмайтынын, тұтастай отбасылардың билік етуіне де тосқауыл қойлығанын айтты.
«Осылайша, елімізде биліктің бірегей үлгісі пайда болды, яғни, мемлекеттік басқару жүйесі жаңа қағидаға сай жұмыс істей бастады, сол арқылы мемлекеттегі саяси үдерістер әлдеқайда түсінікті, болжамды, айқын бола түсті. Нақты айтқанда, Президенттің жақын туыстарына билік жүйесінде лауазымды қызмет атқаруға тыйым салынды. Биліктегі отбасылыққа тосқауыл қойылды. Бұл да өте қажетті қадам болды», - деді Тоқаев.
