Өмірлік қиын жағдайға тап болған 24 790 қазақстандыққа бірдей SMS келеді – шұғыл мәлімдеме
Еңбек министрлігі оларға жұмыс ұсынбақ
Фото: freepik.com
Фото: freepik.com
Еңбек және халықты әлеуметтік қорғау министрлігі жұмыссыз ретінде тіркелген әрі өмірлік қиын жағдайға тап болған 25 мыңға жуық қазақстандыққа бір мезетте бірдей SMS жіберіп, жұмыс ұсынады, деп хабарлайды Azattyq Rýhy.
Құзырлы орган бұл азаматтарды 20 қыркүйек пен 20 қазан аралығында өтетін мал санағына тартпақ. Айта кетерлігі, бұл жұмысқа ірі қалалардағы және облыс орталықтарындағы адамдар тартылмайды.
«Еңбек және халықты әлеуметтік қорғау министрлігі тіркелген жұмыссыздардың арасынан өмірлік қиын жағдайға тап болған 24790 қазақстандыққа жұмысқа орналасу мүмкіндіктері туралы SMS хабарлама жібереді. Ұлттық статистикалық бюросымен бірлескен жұмыс аясында республикалық маңызы бар қалалар мен облыс орталықтарының тұрғындарын қоспағанда, азаматтар бір мезгілде 1414 қызметінен ауыл шаруашылығы халық санағын өткізу үшін санақ қызметкері (сұхбаттасушы) ретінде жұмысқа орналасу мүмкіндігі туралы SMS-хабарламалар алады», - деп хабарлайды министрліктің баспасөз қызметі.
Айта кетейік, Қазақстанда 20 қыркүйек пен 20 қазан аралығында ауыл шаруашылығы санағы өтеді.
