Қазақстанда 1,5 миллионнан астам бала мен миллиондаған ересек спортпен жүйелі түрде шұғылданады
Қазақ халқының спортқа қызығушылығы жыл сайын артып отыр.
Фото: pexelБүгін елімізде Спорт күні аталып өтуде. Бұл мереке кәсіби спортшыларды, әуесқойларды және белсенді өмір салтын ұстанатын барлық азаматтарды біріктіреді. Президенттің бастамасымен спорттық инфрақұрылым қарқынды дамып келеді. Тек өткен жылы 90 жаңа нысан пайдалануға берілсе, алдағы уақытта Қызылордада халықаралық деңгейдегі стадион ашылады, деп хабарлайды Skifnews.kz ақпарат порталы.
Қазақ халқының спортқа қызығушылығы жыл сайын артып отыр:
Футболмен – 1,1 миллионнан астам адам;
Волейболмен – 760 мыңнан аса жан;
Баскетболмен – 540 мыңға жуық азамат айналысады.
Бұл көрсеткіштер спорттың миллиондаған қазақстандықтардың күнделікті өмірінің бір бөлігіне айналғанын дәлелдейді.
Сонымен қатар, мемлекет олимпиадалық спорт түрлерін дамытумен қатар, ұлттық спортқа да басымдық беріп отыр. Бүгінде ел бойынша 240 мыңнан астам бала тегін спорт секцияларына қатысады.
Спорт – енді тек үлкен ареналардағы жеңістер ғана емес, ол қазақстандықтардың денсаулығын нығайтатын, өмір сапасын жақсартатын маңызды құндылыққа айналып отыр.
