2026 жылы мұнайға әлемдік сұраныс тәулігіне 1,4 млн баррельге артады – ОПЕК
Бұл өткен болжаммен салыстырғанда 100 мың баррельге көп.
Фото: canva.comОПЕК-тің мұнай нарығына қатысты ай сайынғы есебінде 2026 жылға арналған болжам экономикалық көрсеткіштердің Америка мен Еуропадағы (ЭЫДҰ елдері), сондай-ақ Таяу Шығыс пен Африкадағы оң серпініне байланысты қайта қаралғаны айтылған, деп хабарлайды inbusiness.kz сайты.
Ең үлкен түзетулер АҚШ-қа қатысты жасалды: болжам бойынша, келесі жылы бұл елде сланецті мұнай өндіру көлемі тәулігіне 100 мың баррельге қысқарады. Бұл - алдыңғы тұрақты өндіріс деңгейі жөніндегі бағалаумен салыстырғанда айтарлықтай өзгеріс.
Ал 2025 жылға арналған болжам өзгеріссіз қалды, мұнайға әлемдік сұраныс тәулігіне 1,3 млн баррельге өседі деп күтіледі.
