МӘМС-ке төленетін жарна көлемі өседі
Жарна мөлшері қазір 2% болса, 2037 жылға қарай 4,7%-ға дейін артады деп күтілуде.
Фото: iStock2027 жылдан бастап Қазақстанда міндетті әлеуметтік медициналық сақтандыруға мемлекет тарапынан түсетін жарналардың мөлшері біртіндеп артады. Бұл туралы Денсаулық сақтау министрлігінің МӘМС жүйесін жетілдіру және талдау департаментінің директоры Ләззат Шоманова Орталық коммуникациялар қызметінде өткен брифингте мәлімдеді, – деп хабарлайды Aikyn.kz.
«Біз 2015 жылы қабылданған «Міндетті әлеуметтік медициналық сақтандыру туралы» ҚР Заңының алғашқы редакциясында белгіленген бастапқы қаржылық моделіне ішінара ораламыз. Сол кезде мемлекеттің жарналары 7% деңгейінде бекітілген еді. Қазір ол тек 2% ғана», — деп атап өтті Шоманова.
Оның айтуынша, бұл жұмысшылар мен жұмыс берушілердің төлейтін жарна көлемін ұлғайтпай, медициналық көмек жүйесінің ұзақмерзімді тұрақтылығын қамтамасыз етеді.
Мемлекеттің қаржыландыру үлесінің кезең-кезеңімен өсуінің нәтижесінде, жарна мөлшері биылғы 2%-дан 2037 жылға қарай 4,7%-ға дейін артады деп күтілуде. Бұл жүйеге қосымша 2,8 триллион теңге қаржы тартуға мүмкіндік бермек. Ал ол өз кезегінде халыққа медициналық көмектің қолжетімділігін арттыруға зор үлес қосады.
Брифинг барысында міндетті әлеуметтік медициналық сақтандыру (МӘМС) жүйесін реформалау стратегиялық басымдық болып саналады, - деп атап өтті спикер. Негізгі жаңалықтардың ішінде тұрақты жарналар шарты аясында сақтандырылушы мәртебесін сақтау мерзімін 3 айдан 6 айға дейін ұзарту және медициналық қызметтердің сапасы мен денсаулық сақтаудағы қаржылық қызметтің ашықтығына бақылауды күшейту болды.
Лаззат Шоманованың айтуынша, МӘМС реформасы - тек қажеттілік қана емес, стратегиялық басымдық. Сонымен қатар ол МӘМС-ке қатысудың тұрақтылығын арттыру үшін маңызды норма енгізілгенін хабарлады.
«МӘМС жүйесінің тартымдылығын арттыру үшін тиісті жарналарды бес жыл бойы үзіліссіз төлеу шартымен төлемдер уақытша болмаған жағдайда да сақтандырылған тұлға мәртебесін 3 айдан 6 айға дейін ұзарту туралы норма енгізілді. Бұрын бұл мерзім небәрі үш ай болатын. Бұл әділ және маңызды шешім-бұл жүйеге тұрақты қатысатын және уақытша қиындықтарға тап болғандарды қолдайды», - деді спикер.
Сондай-ақ халықтың сенімін нығайту мақсатында денсаулық сақтау субъектілерінің қаржылық қызметінің ашықтығын арттыру үшін медициналық ұйымдар мен Қор қызметінің ашықтығын арттыру жөніндегі норма енгізілді.
Сонымен қатар Денсаулық сақтау министрлігінің өкілі Кәсіпкерлік кодекске медициналық қызметтер (көмек) көрсету саласында анықталған рұқсат беру құжаттарынсыз медициналық қызметтер көрсету бұзушылықтары бойынша қадағалау функциясын Медициналық және фармацевтикалық бақылау комитетіне беру жөніндегі норманың енгізілгені туралы хабарлады.
