Сауда орындарында өрт қауіпсіздігін сақтау маңызды
Өрт – тілсіз жау, адам баласына өз зиянын келтіріп, материалдық шығынмен қоса адам өмірін де қиып жатыр. Мәліметтерге сүйенсек, өрт салдарынан болған материалдық шығындар үкіметтің емес жеке кәсіпкерлердің, жеке саудамен айналысатын азаматтардың қалтасын саяздатып отыр.
Сауда базарларында орын алған өрт оқиғалары негізінен өрт қауіпсіздігі талаптарын сақтамаудан, сондай-ақ өрттің алдын алуға қарсы іс-шараларды орындауға немқұрайлы қараудың салдарынан, нысандарды қорғауда өртке қарсы мәселелерді шешуге мән бермеуден, қажетті ұйымдастыру шараларын орындамаудан туындап отыр.
Бұл ретте, біз өз саудамен айналысатын азаматтарға өрт оқиғалары орын алмас үшін өрт қауіпсіздігі талаптарын сақтануды қатаң ескертеміз. Сондай-ақ мына қарапайым ережелерді қажет екенін еске салғымыз келеді.
Сауда орындырында электр желілерін шамадан тыс жүктемеңіз, автоматты өрт дабыл қондырғыларының үнемі дұрыс жұмыс күйінде болуын қадағалаңыз, алғашқы өрт сөндіру құралдарының жарамдылығын тексеріңіз, эвакуциялық шығу жолдарын ашық болуын қадағалаңыз. Өйткені сауда орындарында өрт оқиғасы болмас үшін барлық талаптарды орындау – өз қауіпсіздігіңіздің кепілі.
Қазалы ауданы Төтенше жағдайлар бөлімі
