World Boxing: Қазақстандық боксшылар Азия чемпионатында 3 тамызда қандай нәтиже көрсетті

World Boxing аясында Таиланд астанасы Бангкок қаласында 19 және 22 жасқа дейінгілер арасында 2025 жылғы Азия чемпионатында 3 тамыздағы қазақстандық боксшылардың нәтижесі белгілі болды.

Фото: Қазақстан бокс федерациясы

Бұл күні ел құрамасынан Гүлназ Бөрібаева (48 келі) ширек финалда жекпе-жек өткізді. Отандасымыз жапониялық Нон Госогаваны нокаутқа түстінді. Нәтижесінде ол жеңімпаз болып танылды. 

Ал ширек финалда Сымбат Алиасқар (54 келі) тайваньдық Чинь Линь Чуге есе жіберіп, жүлдеге қол жеткізе алған жоқ. 

Ал 19 жасқа дейінгі ұлдар арасында Әділет Тортубек (60 келі) төрешілердің бірауыздан шешімімен үндістандық Шубхады қапы қалдырса, Әділбек Кожахан (55 келі) төрешілер шешімімен тайваньдық Чиа Фен Пену, Мұхит Нұркабылұлы (65 ккелі) үндістандық Маусаму Сухагуға жеңіліп қалды.

Құрлықтық дода 30 шілде-12 тамыз аралығына белгіленген. Оған 25 елден 396 боксшы (237 ер және 159 әйел) қатысады деп жоспарланып отыр. Олардың арасында Қазақстан, Ауғанстан, Филиппин, Гонконг, Үндістан, Индонезия, Иран, Ирак, Жапония, Оңтүстік Корея, Сауд Арабиясы, Қырғызстан, Малайзия, Моңғолия, Непал, Қатар, Қытай, Сингапур, Шри-Ланка, Таиланд, Түркіменстан, Өзбекстан, БАӘ, Въетнам, Бутан бар.