Ардагерлерге медициналық көмек көрсетілді
Бүгін «Ардагерлерді ардақтайық» партиялық жобасы аясында «Шипагер» бастауыш партия ұйымының мүшелері бірқатар ардагердің шаңырағына арнайы барып, медициналық көмек көрсетті.
Игі іске «Болат жолы», «Шипагер» және «Жетес би» емханаларының ақ халатты қызметкерлері атсалысты. Ақ халатты партия мүшелері ардагерлерге бір күндерін арнап, денсаулық күтіміне қатысты профилактикалық шаралар жүргізді. Қарттардың денсаулығын тексеріп, қан қысымын өлшеп, қажетті кеңестерін берді.
Шара барысында ардагерлер де құр қол қалмай, бірқатар азаматтар өздері жазған естелік кітаптарын сыйға тартты. Сондай-ақ игі бастама үшін алғыстарын білдіріп, мұндай шаралардың тұрақты түрде ұйымдастырылып отыруы үлкенге деген құрметтің белгісі екенін атап өтті.
#AMANAT
